係Fresh Fresh呢間店開左冇耐既時候, 我已經深深迷戀呢度既芒果糯米糍, 而家係正屋企樓下開左, 勁開心😍 (屋企樓下乜都冇)
先旨聲明, 呢度既芒糯賣點唔係多芒果, 唔係濃芒果味, 而係有3重點:
1. 唔係椰絲面 (個人極度厭惡椰絲)
2. 餡中有custard
3. 重點中的重點- 超級無敵世界級100分軟糯既皮
但呢種軟糯, 係用手摸到已經徹底會愛上左佢, 直情攞上手個刻已經可以配上日式麵包王式既誇張反應及感動。
重申一次, 佢係軟糯(我喜歡既口感), 而唔係煙韌(咬極都未吞得個啲)
以前$10/盒(2pcs), 而家已經加至$13, 但似乎有點退步, 5盒有4盒既糯米糍係爆晒皮... 亦有黏底的情況, 雖然不失軟糯。
芒果有兩三粒, 但有點酸@@ 其實外皮徒有橙色而無芒果味, 所以如果話我最愛既芒果糯米糍係佢, 就有點偏差, 因為我由始至終最欣賞既係個皮既口感。所以希望大家閱後嚐此物時,,不要放太高期望於味道。
Fresh Fresh
Search